पुस्तके : बाल संग्रह    
   
 

 

       
 
 

 

   

भिंगोऱ्या भिंग

प्रकाशक : कजा कजा मरू प्रकाशन, पुणे
मुखपृष्ठ व आतील चित्रे : रसिका काळे, पुणे
आवृत्ती पहिली : २००८
किंमत : २५ रुपये, पृष्ठे २४

           
   
 
   
   
खेड्यामधली म्हैस

खेड्यामधली म्हैस चुकुन
शहरात आली एकदा
धावत सुटली भांबावून
सिग्नल तोडले तीनदा

दमून भागून चारा खात
वाट्टेल तिथे थांबली
नो पार्किंग पाटीसुद्धा
तिने नाही पाहिली !

पोलिसाची शिट्टी ऐकून
धावत सुटली पुन्हा
`नो एंट्री' बोळात शिरून
नवाच केला गुन्हा

धापा टाकत पुन्हा नेमकी
आली भर चौकात
रंगीत मोठी चित्रे पाहून
गाऊ लागली जोरात

शहरामधली एक मैत्रीण
भेटली तिला तिथे
वाटले तरी म्हणे, असे
गायचे नसते इथे !

ऐकून सारे वैतागली ती
म्हणाली जाते परत
धावत सुटली साऱ्यांना मग
ओव्हरटेक करत !
 
मनोगत

 

   
                   
 


Designed By HSMS